२९ जेठ २०८३, शुक्रबार
भारतीय बजारमा टाटा कारको मूल्य बढेको छ । यस्तो कारको मूल्यमा सामान्य वृद्धि भएका भारतीय सञ्चारमाध्यमहरूले जानकारी दिएका छन् । भारतमा मूल्य बढेका कारण नेपालमा पनि आगामी महिनाबाट टाटा कारको मूल्य बढ्न सक्ने भएको छ ।
गत नोभेम्बर ७ बाट टाटा कारमा औसत ०.९ प्रतिशतले वृद्धि भएको टाटा मोटर्सले जनाएको छ । यस्तो मूल्यवृद्धिले मोडल र भेरिएन्टले मूल्यमा फरक पार्ने भएको छ । टाटाका अनुसार, समग्र इन्पुट मूल्यमा नै ठूलो वृद्धि भएकोले कारको मूल्यमा सामान्य वृद्धि गरिएको हो ।
टाटा मोटर्सले सन् २०२२ को एकै वर्षमा चौथो पटक मूल्यवृद्धि गरेको हो । जनवरी, अप्रिल र जुलाईमा गरी यस अघि तीन पटक मूल्य बढिसकेको छ । यसअघि पटक–पटक मूल्य बढेको भए पनि समग्र इन्पुट मूल्यमा वृद्धि भएकाले एकै वर्षमा चारपटक मूल्य बढाउनुपरेको टाटा मोटर्सको भनाइ छ ।
टाटाले भारतमा कारको मूल्य बढाएको भए पनि नेपाली बजारमा भने अहिलेसम्म मूल्य वृद्धि गरिएको छैन ।
टाटा मोटर्स भारतको सबभन्दा सफल अटो कम्पनीमध्ये एक हो । उसका विद्युतीय कारहरू अघिल्लो वर्षको तुलनामा १५७ प्रतिशत बढीले बिक्री भएको छ । टाटा भारतको अग्रणी विद्युतीय कार कम्पनी हो । यो कम्पनीसँग विद्युतीय गाडीहरूको विशाल लाइनअप छ ।
त्यसो त टाटा मोटर्सले हरेक त्रैमासमा मूल्य परिमार्जन गर्ने पनि गरेको छ । यसले पछिल्लो पटक गत नोभेम्बरमा समग्र इन्पुट लागतका कारण मूल्य वृद्धि गरेको कम्पनीले बताएको छ । यस्तो मूल्यअनुसार ७ नोभेम्बरदेखि लागू हुने गरी टाटाका कोही गाडीहरूमा ३० हजार भारुसम्म बढाएको थियो ।
लामो समयसम्म सवारी स्टक नहुने भएको र नेपालमा पनि आगामी जनवरी २०२३ देखि भने मूल्य बढ्न सक्ने टाटा मोटर्स नेपालले जानकारी दिएको छ ।
