०८ साउन २०८३, शुक्रबार
निर्वाचन आयोगले समानुपातिक संसदको अन्तिम सूची पेस गर्न दिएको समयसीमा आज (शनिवार) दिउँसो चार बजे सकिँदैछ । शनिवार दिउँसो ४ बजेसम्म समानुपातिक सांसदको सूची आयोगलाई बुझाउनुपर्ने भए पनि दलहरू भने शनिवार मात्र आन्तरिक छलफलमा जुटेका छन् । अधिकांश राजनीतिक दलहरूले हालसम्म सांसदको टुंगो लगाउन सकिरहेका छैनन् ।
हालसम्म सिके राउत नेतृत्वको जनमत पार्टी र रेशम चौधरीको नागरिक उन्मुक्ति पार्टीले मात्र समानुपातिक सांसदको टुंगो लगाएका छन् ।
समानुपातिकतर्फ सबैभन्दा ठूलो दल भएको नेकपा एमाले, नेपाली कांग्रेस, नेकपा माओवादी केन्द्र, राष्ट्रिय स्वतन्त्र पार्टी, जनता समाजवादी पार्टी र राष्ट्रिय प्रजातन्त्र पार्टीले पनि हालसम्म समानुपातिक सांसदको टुंगो लगाउन सकेका छैनन् । ती सबै दल अहिले आन्तरिक छलफलमा जुटिरहेका छन् । सबै दलकाे अहिले बैठक बसिरहेकाे छ ।
अधिकांश पार्टीमा सांसद छनाेटकाे विषयलाई लिएर विवाद देखिएकाे छ । आकांक्षी धेरै बन्दा शीर्ष नेताहरू दबाबमा परेका छन् । सबै दलभित्र बन्दसूचीमा रहेका नेताहरूले नाम सिफारिस गर्न शीर्ष नेताहरूलाई दबाब दिइरहेका छन् ।
कुन दलले कति सिट पाए ?
