१० साउन २०८३, आइतबार
फिनल्यान्डको स्वतन्त्रता दिवसको अवसरमा गत साता आयोजित एक आमसभामा रुसको झण्डा जलाइएपछि रुसी अधिकारीहरूले फिनल्यान्डसमक्ष आधिकारिक विरोध दर्ज गरेका छन् ।
यस्तो अपराध गर्नेहरूलाई न्यायको कठघरामा उभ्याउन अनि भविष्यमा यस्तो अतिवादी व्यवहार रोक्नका लागि उपाय अपनाउन रुसको परराष्ट्र मन्त्रालयले बयान जारी गरेर जनाएको छ ।
झण्डा जलाइनु रुसको आस्थामाथिको प्रहार भएको उसको भनाइ छ ।
फिनल्यान्डको स्वतन्त्रता दिवसको खुशियाली मनाउँदै गर्दा केही व्यक्तिहरूको समूहले रुसको राष्ट्रिय झण्डा बोकेर जलाएको भिडियो सामाजिक सञ्जालमा आएको थियो । यससँगै फिनिशहरूले रुसीहरूका विरुद्ध अपमानजनक नारा लगाएको पनि सुनिएको थियो ।
फिनल्यान्डले डिसेम्बर ६ मा स्वतन्त्रता दिवस मनाउने गरेको छ । सन् २०१७ मा बोल्शेभिक क्रान्तिपछि रुसी साम्राज्यबाट स्वतन्त्रता प्राप्त गरेको आधिकारिक घोषणा गरिएको थियो ।
रुस र फिनल्यान्डबीच १३ सय ४० किलोमिटर स्थलसीमा छ । वर्षौंसम्म तटस्थताको नीति अपनाएको फिनल्यान्डले युक्रेनमाथि रुसको आक्रमणसँगै पश्चिी सैन्य गठबन्धन नेटोमा जोडिनका लागि निवेदन दिएको छ ।
Finnish people burning the Russian flag as part of their Independence Day celebration yesterday. pic.twitter.com/MoXx4uO7ru
— Visegrád 24 (@visegrad24) December 7, 2022
