११ साउन २०८३, सोमबार
नेपाली कांग्रेसका नेता तथा नवनिर्वाचित प्रतिनिधिसभा सदस्य डा. शेखर कोइरालाले अध्यादेशमार्फत कानून संशोधन गरेर अदालतले दोषी ठहर्याएकालाई माफी दिने प्रयास लोकतान्त्रिक मर्मको उपहास भएको बताएका छन् ।
सोमवार सामाजिक सञ्जाल ट्विटरमा लेख्दै कोइरालाले राजनीतिक सहजताका लागि कानून बंग्याउने छुट कसैलाई नभएको बताएका छन् ।
उनले लेखेका छन्, ‘अध्यादेशमार्फत कानून संशोधन गरी अदालतले दोषी ठहर्याएकालाई माफी दिने प्रयास गरिनु कानूनी शासन, संसदीय प्रणाली, राजनीतिक र लोकतान्त्रिक मर्मको उपहास गर्नु हो । आफू अनुकूलको राजनीतिक सहजताका लागि कानूनलाई बंग्याउने छुट कसैलाई छैन । भोलि यसले गलत नजिर बस्न जान्छ ।’
