नेकपा एमालेका अध्यक्ष केपी शर्मा ओली प्रधानमन्त्री तथा माओवादी केन्द्रका अध्यक्ष पुष्पकमल दाहाल ‘प्रचण्ड’लाई भेट्न खुमलटार गएका छन् ।

एकीकृत समाजवादीलाई समेत सरकारमा सहभागी गराउने विषयमा प्रचण्डले पहल थालेका छन् । सोही विषयमा छलफल गर्नका लागि ओली खुमलटारस्थित प्रचण्ड निवास गएका हुन् । 

खुमलटारमा नेताहरूबीच छलफल शुरू भएको प्रचण्डको सचिवालयले जानकारी दिएको छ ।

एकीकृत समाजवादीका अध्यक्ष माधवकुमार नेपालसँग एमालेका उपाध्यक्ष एवं उपप्रधान तथा अर्थमन्त्री विष्णु पौडेलले मंगलवार भेटवार्ता गरेका थिए । 

बुधवार बिहान पनि नेपालसँग प्रचण्ड र उपेन्द्र यादवले भेटवार्ता गरेका थिए ।