१९ असार २०८३, शुक्रबार
प्रहरीले काठमाडौंको ढुङ्गेअड्डास्थित न्यू प्रकाश अटो ट्रेडर्समा छापा मारी सञ्चालक शिव रौनियारलाई नियन्त्रणमा लिएको छ ।
सञ्चालकले लामो समयदेखि भारतबाट अवैध रूपमा नक्कली पार्टस्हरू झिकाई बिक्रीवितरण गर्दै आइरहेको आरोप छ ।
अनुसन्धानका क्रममा उनले टाटाका नक्कली पार्टस् बिक्रीवितरण गरेको पाइएको र आगामी दिनमा त्यस्ता कार्य नगर्ने गरी सहमति पत्रमा हस्ताक्षर गरी एक पटकलाई सचेत गराई छाडिएको प्रहरीले जनाएको छ ।
रौनियार मात्र नभएर देशैभर अन्य व्यक्तिहरू पनि यस्ता खालका कारोबारमा संलग्न भएको कुरा उनले बताएको जनाइएको छ । प्रहरीले अन्य शंकास्पद स्थानमा पनि खोजी तथा अनुसन्धान गरी आगामी दिनमा यस्ता कार्यलाई नियन्त्रण गरिने जनाएको छ ।
