१० साउन २०८३, आइतबार
मधेस प्रदेशका ज्येष्ठ सदस्य गोविन्दबहादुर न्यौपानेले आज बिहीबार प्रदेश प्रमुख हरिशंकर मिश्रसँग पद तथा गोपनीयताको शपथ लिने छन् । दिउँसो २ बजे प्रदेश प्रमुखको कार्यालयमा आयोजित कार्यक्रममा उनले शपथ लिने कार्यक्रम तयभएको छ ।
ज्येष्ठ सदस्य न्यौपाने ७१ वर्षको भएका छन् । न्यौपानेले आज शपथ लिएपछि भोलि शुक्रबार २ बजे हुने कार्यक्रममा प्रदेश सभाका सदस्यहरुलाई शपथ ग्रहण गराउने प्रदेश कार्यालय सचिवालयले जनाएको छ ।
प्रदेश सचिवालयका सचिव रञ्जितकुमार यादवका अनुसार मधेस प्रदेश सभामा १०७ जना सदस्य रहेका छन् । भोलि हुने शपथ कार्यक्रममा प्राविधिक कारणले दुई जना सदस्य अनुपस्थित रहने जानकारी आएको यादवले बताए । माओवादी केन्द्रका सांसद मालाकुमारी कर्ण र मोहद रजी हैदरविरुद्ध अदालतमा मुद्दा परेको छ ।
प्रदेश सांसदहरुलाई आफ्नो मातृभाषामा समेत शपथ लिन पाउने व्यवस्था गरिएको सचिव यादवले बताए । आवेदनअनुसार सांसदहरुले मैथिली, भोजपुरी, अवधि, थारु, बज्जीका र उर्दू भाषामा समेत शपथ लिनेछन् ।
