३० जेठ २०८३, शनिबार
गुरुङ समुदायको नयाँ वर्षको रुपमा मनाइने तमू ल्होसारको अवसरमा टुँडीखेलमा आयोजित कार्यक्रममा भाग लिन प्रधानमन्त्री पुष्पकमल दाहाल प्रचण्ड आज सहभागी हुने भएका छन् । प्रधानमन्त्रीका सचिवालय सदस्य सूर्य किरण शर्माका अनुसार प्रधानमन्त्री प्रचण्ड साढे १२ बजे टुँडीखेलको कार्यक्रममा सहभागी हुनेछन् ।
गुरुङ समुदायको ठूलो पर्वको रुपमा स्थापित तमू ल्होसारको अवसरमा सो समुदायले टुँडीखेलमा विशेष कार्यक्रमको आयोजना गरेको आयोजक लाला गुरुङले बताए । सो अवसरमा गुरुङ समुदायको पहिचान झल्किने सांस्कृतिक भेषभुषा, खाना परिकार तथा पोशाकको प्रदर्शन गरिने बताइएको छ । ल्होसारको अवसरमा आज सरकारले सार्वजनिक विदा दिएको छ । पर्वको अवसरमा प्रधानमन्त्री प्रचण्डले शुभकामना पनि प्रदान गरेका छन् ।
