३० जेठ २०८३, शनिबार
थाइल्यान्डको राजधानी बैंककबाट भारतको कोलकाता आइरहेको थाई स्माइलको विमानमा चारजना भारतीय यात्रुहरूले कुटाकुट गरेको भिडियो सार्वजनिक भएको छ ।
मंगलवार भएको घटनामा दुई भारतीय पुरुषले एकअर्कालाई चुप लागेर बस् अनि हात तल राख् भनेको सुनिन्छ । उनीहरूलाई शान्त बनाउन एयरहोस्टेसलाई हम्मेहम्मे परेको थियो ।
ए३२० एयरबसमा दुईजनाले झगडा गर्दै गर्दा चश्मा लगाएका यात्रुका साथीहरू आएर मुक्का हानाहान गरेका थिए । मुक्का खाने मानिसले आफूलाई बचाउन कोशिश गरेका थिए ।
कालो कलर भएको शर्ट लगाएका यात्रुले एकोहोरो पिटाइ खाएका थिए ।
अरू यात्रु र विमान कर्मचारीहरूले उनीहरूलाई झगडा नगर्न भनेका थिए ।
झगडा गर्ने दुई पक्षलाई बल्लतल्ल एकजना एयरहोस्टेसले छुट्ट्याएकी थिइन् ।
विमानको सीट धेरै तल पारेको आरोपमा झगडा भएको बताइएको छ ।
सस्तो भाडा भएको थाइ स्माइल एयरवेज थाइ एयरवेजकै एक शाखा हो ।
थाइ स्माइल एयरवेजले घटनाका लागि माफी मागेको छ ।
