०३ साउन २०८३, आइतबार
इन्गेजमेन्ट तोडिएपछिको आत्मदाह प्रकरणका मुख्य अभियुक्त सुधन संग्रौला पूर्पक्षका लागि जेल चलान भएका छन् ।
काठमाडौं जिल्ला अदालतका न्यायाधीश नारायणप्रसाद पराजुलीको एकल इजलासले संग्रौलालाई मुद्दाको अन्तिम किनारा नलाग्दासम्म पूर्पक्षका लागि थुनामा राख्ने आदेश बिहीवार दिएको हो ।
बानेश्वर (नुवाकोट स्थायी घर) की २७ वर्षीया पुष्पा न्यौपानेले गएको मंसिर १८ गते साँझ धुम्बाराहीस्थित सुधन संग्रौलाको घरको गेटैमा पुगी पेट्रोल खन्याएर आत्मदाह गरेकी थिइन् ।
झापा पुर्ख्यौली घर भएका सुधन र पुष्पाबीच विवाह गर्ने भनेर टीकाटालो समेत भएको थियो । १७ गते सुधनको परिवारले सुपारी फिर्ता गरी एकतर्फी रूपमा इन्गेजमेन्ट तोडेका थिए ।
त्यसको भोलिपल्टै पुष्पाले आत्मदाह गरेकी थिइन् । पुष्पाको मृत्युपछि उनका काका उत्तम न्यौपानेले आत्महत्या दुरुत्साहनको किटानी जाहेरी दिएका थिए ।
घटना भएको दिन सुधनको परिवारका सदस्य घरमै भए पनि पुष्पालाई बचाउन कुनै भूमिका खेलेका थिएनन् ।
पढ्नुहोस्, सम्बन्धित समाचार :
