नेकपा (एकीकृत समाजवादी) का महासचिव डा. बेदुराम भुषाल अस्वास्थ भएपछि स्वास्थ्य परीक्षणका लागि अस्पताल भर्ना भएका छन् । बाँसबारीस्थित रहेको न्यूरो अस्पतालमा उनी बुधबार साँझ भर्ना भएको सो दलका पोलिटव्यूरो सदस्य गणेश विकेले बताए ।

स्वास्थ्यमा अचानक समस्या देखिएपछि स्वास्थ्य परीक्षणका लागि डा. भुषाल अस्पताल भर्ना भएको उनले बताए । उनको स्वास्थ्य अवस्था सामान्य रहेको र स्वास्थ्य परीक्षणपछि सम्भवतः विहीबार अस्पतालले डिस्चार्ज गर्ने डा. भुषालको सचिवालयले जनाएको छ ।