०६ असार २०८३, शनिबार
छाडा चौपाया व्यवस्थापनको नाममा रुपन्देहीको सिद्धार्थनगरमा साँढेलाई ट्रकमा बाँधेर घिसारेपछि चौतर्फी आलोचना भएको छ ।
बुधवार राति लु१ग ३६५ नम्बरको नगर प्रहरी लेखिएको ट्रकको पछाडि बाँधेर रगताम्य हुने गरी छाडा साँढेलाई लगेपछि स्थानीय नगर प्रमुख इस्तियाक अहमद खानको चौतर्फी आलोचना भएको छ ।
फोटो अहिले सामाजिक सञ्जालमा भाइरल भएको छ । भैरहवामा पर्ने सिद्धार्थनगरले छाडा चौपाया व्यवस्थापनको काम शुरू गरिएको बताएको छ । व्यवस्थापन गर्ने नाममा निर्मतापूर्ण घिसारेर लगिएको भन्दै भैरहवाका स्थानीय युवाहरूले बुधबार साँझ नगरपालिका कार्यालय अगाडि नाराबाजी समेत गरेका थिए ।
नगर प्रमुख खानले तस्वीरमा देखिएजस्तो घटना नभएको दाबी गरे । तस्वीरमा रगत जस्तो देखिए पनि त्यो बत्तीको प्रतिबिम्ब भएको उनले बताए ।
