०३ असार २०८३, बुधबार
आइएमई लाइफ इन्स्योरेन्सका बीमा अभिकर्ताहरुमध्ये सन् २०२३ को लागि एक सीओटीसहित ३४ जना मिलियन डलर राउण्ड टेबल (एमडीआरटी) सम्मानित भएका छन् । कम्पनिले एक समारोहको आयोजना गरी उनीहरुलाई सम्मानित गरेको हो ।
कम्पनीका प्रमुख कार्यकारी अधिकृत कवि फुयालका अनुसार कम्पनिको समय सापेक्ष बजार नीतिको कारणले सम्पूर्ण अभिकर्ताहरु उत्प्रेरित भएका छन् । अहिलेको आर्थिक रुपले विषम परिस्थितिमा समेत उल्लेख्य संख्यामा बीमा अभिकर्ताले एमडीआरटी उपलब्धि हासिल गरेको कुरा कम्पनीका प्रमुख सञ्चालन अधिकृत दिनेश अमात्यले बताए ।
सन् १९२७ मा रजिष्टर भएको एमडीआरटी एक बिदेशी संस्था हो । जहाँ ७२ देशका ५०० कम्पनी सामेल छन् । यसको प्रधान कार्यालय अमेरिकामा रहेको छ । यो संस्थामा बीमा क्षेत्र र फाइनान्सियल सेक्टरका मानिसहरु सहभागी हुन पाउँछन् ।
यस संस्थामा सदस्यता लिएको इन्स्योरेन्स कम्पनी र फाइनान्सियल संस्थामार्फत तोकेको समयमा टार्गेट पूरा गरेका अभिकर्ताहरुले सहभागी हुन पाउने ब्यबस्था रहेको छ ।
