गूगलले भारतमा आफ्नो एन्ड्रोइड सिस्टममा अनेकौं परिवर्तनको घोषणा गरेको छ । 

स्वच्छ प्रतिस्पर्धासम्बन्धी एन्टी ट्रस्ट मुद्दा हारेपछि गूगलले यो कदम उठाएको हो । 

अब प्रयोगकर्ताहरूले एन्ड्रोइडमा जुनसुकै सर्च इन्जिन छान्न पाउँछन् । यसअघि एन्ड्रोइड फोनमा गूगल क्रोमको विकल्प थिएन । 

स्वच्छ प्रतिस्पर्धा सम्बन्धी निगरानी गर्ने कम्पिटिसन कमिसन अफ इन्डिया (सीसीआई) ले गूगललाई अस्वच्छ कारोबार गरेको आरोपमा १६ करोड डलरभन्दा बढीको जरिवाना लगाएपछि गूगलले मुद्दा दायर गरेको थियो । 

भारतमा लगभग ९७ प्रतिशत स्मार्टफोनहरू एन्ड्रोइडमा चल्छन् ।

गूगलले स्मार्टफोन निर्माताहरूसँग एकपक्षीय सम्झौता गरी आफ्ना यापको प्रभुत्व सुनिश्चित गरेको आरोप सीसीआईले लगाएको थियो । 

यसले प्रतिस्पर्धालाई रोकेको अनि गूगललाई ग्राहकको डेटामा निरन्तर पहुँच दिलाइरहेको तथा मालदार विज्ञापनका अवसर दिएको पनि सीसीआईको आरोप थियो । 

यस्तो किसिमको बृहत् परिवर्तन अन्य कुनै देशमा पनि गर्न नलगाइएको भनी गूगलले सीसीआईविरुद्ध सर्वोच्च अदालतमा मुद्द दायर गरेको थियो । 

तर अदालतले सीसीआईको पक्षमा फैसला सुनाएपछि गूगलले व्यापक परिवर्तन गर्ने भएको हो ।