०२ असार २०८३, मंगलबार
हिन्द प्रशान्त क्षेत्रका चार मुलुकहरूबीच सैन्य सहकारवाहीलाई मूर्त रूप दिने मालाबार जलसैन्य अभ्यास आगामी अगस्ट महिनामा अस्ट्रेलियामा गरिनेछ ।
क्वाडमा रहेका भारत, अस्ट्रेलिया, जापान र अमेरिकाका जलसेनाले अभ्यासमा भाग लिनेछन् ।
मालाबार अभ्यासको २७औं संस्करणमा भारतले आफ्ना अग्रपंक्तिका युद्धपोतका साथै पी–८आई लामो दूरीको जलक्षेत्र गश्ती विमान पनि पठाउने द टाइम्स अफ इन्डियाले खबर दिएको छ ।
सन् १९९० को दशकमा भारत र अमेरिकाबीचको द्विपक्षीय सैन्य अभ्यासका रूपमा शुरू भएको मालाबारमा जापानलाई सन् २०१५ मा अनि अस्ट्रेलियालाई सन् २०२० मा सहभागी गराइएको हो ।
अस्ट्रेलियाले भारतलाई जुलाई २१ देखि शुरू हुने ट्यालिस्मान सेबर नामक सैन्य अभ्यासमा पनि डाकेको छ । त्यसमा अमेरिका र अन्य मुलुकहरू पनि सहभागी हुनेछन् ।
चीनको सामना गर्नका लागि यी अभ्यासहरू भइरहेका हुन् ।
