नेपाली कांग्रेसले वरिष्ठ नेता रामचन्द्र पौडेललाई राष्ट्रपति बनाउने निर्णय गरेको छ ।

शनिवार बिहान बसेको कांग्रेस केन्द्रीय कार्यसम्पादन समितिको बैठकले पौडेललाई राष्ट्रपति बनाउने निर्णय गरेको केन्द्रीय कार्यालयका सचिव प्रेम केसीले लोकान्तरलाई जानकारी दिए ।

सभापति शेरबहादुर देउवाको प्रस्तावलाई बैठकले पारित गरेपछि पौडेल राष्ट्रपति उम्मेदवार बन्ने भएका छन् । कांग्रेस उम्मेदवारलाई राष्ट्रपतिमा समर्थन गर्ने सहमति ८ दलबीच भइसकेको छ ।