काठमाडौं, १० भदौ– नेशनल मेडिकल कलेजलाई सम्बन्धन दिएको विरोधमा नेपाल चिकित्सक संघले आन्दोलनको घोषणा गरेको छ ।
सरकारले संघसँग गरेको सम्झौताको अवमूल्यन गर्दै कलेजलाई सम्वन्धन दिएको भन्दै आन्दोलनका कार्यक्रमका घोषणा गरेको हो ।
संघको आज बसेको बैठकपछि जारी गरिएको विज्ञप्ती मार्फत आन्दोलनका विभिन्न कार्यक्रमहरु घोषणा गरेका छन् ।
प्रधानमन्त्रीसहित सम्बन्धित मन्त्री, त्रिवि, मेडिकल काउन्सिल लगायतकालाई ज्ञापन पत्र बुझाउने, सरकारी, निजी स्वास्थ्य संस्थामा कार्यगतहरुले कालोपट्टी बाँधी नियमति काम गर्ने घोषणा गरेको छ ।
संघले आफ्ना मागहरुलाई वेवास्ता र अवमूल्यन गरेको खण्डमा कठोर आन्दोलनमा जान बाध्य हुने जनाएको छ ।
