२८ जेठ २०८३, बिहीबार
चलचित्र ‘छक्का पञ्जा ४’मा समावेश गीत ‘सिरूपाते जुंगामा’ पनि युट्युब ट्रेन्डिङको पहिलो नम्बरमा आएको छ ।
तीन दिनअघि सार्वजनिक गीतको भिडियोले शुक्रवार अपरान्हसम्म १३ लाख ३० हजार बढी भ्युज पाएको छ ।
बाबुल गिरीको स्वर रहेको यो गीतको टुक्का चलचित्र रिलिज अगावै टिकटकमा हिट भएको थियो ।
शंकर अधिकारी ‘घायल’को शब्द रहेको गीतमा बाबुल गिरीकै संगीत, आयुष खतिवडा र पवित्रा गुरुङको कोरस गायन छ ।
भिडियोमा दीपकराज गिरी र बेनिशा हमालसहित चलचित्रका अन्य कलाकारहरू समेत प्रस्तुत छन् ।
हेमराज बिसीको निर्देशन रहेको ‘छक्का पञ्जा ४’ आजबाट प्रदर्शनको दोस्रो सातामा प्रवेश गरेको छ ।
चलचित्रमा दीपकराज गिरी, दीपाश्री निरौला, बेनिशा हमाल, केदार प्रसाद घिमिरे, राज आचार्य, बुद्धि तामाङ, निर्मल शर्मा, बेदना राई, सुष्मा निरौला लगायतको अभिनय छ ।
चलचित्रको ट्रेलर र ‘दर्शक सलाम’ बोलको गीत पनि ट्रेन्डिङको शीर्ष स्थानमा आएको थियो ।
