२१ असार २०८३, आइतबार
पूर्वमन्त्री गणेश शाहले उपभोक्ता सचेतनासँगै अनुगमनकारी निकायको सबलीकरण बनाउन आवश्यक रहेको बताएका छन् ।
सोमवार काठमाडौंमा आयोजित एक कार्यक्रमलाई सम्बोधन गर्दै उनले नेपालका अनुगमनकारी निकायहरू कमजोर भएको महसूस भइरहेको बताएका हुन् ।
पूर्वमन्त्री साहले अनुगमन र निरीक्षणको विस्तार एवं प्रभावकारी कार्यान्वयनका लागि आवश्यक नीत, नियम बनाएर अघि बढ्न जरुरी रहेको बताए ।
उनले भने, ‘अनुगमन कार्य इकाइ, खाद्य, ट्राफिक जति पनि होस्, त्यसको अनुगमन कार्य इकाइहरू कमजोर भएकोजस्तो लाग्यो । उपभोक्ता सचेतनाको पनि अनुगमनकारी निकायको सबलीकरण र प्रभावकारी बनाउन आवश्यक छ । ऐन नबने पनि ऐनको परिमार्जन गरौं । इलिगल स्टाटस, ऐन, कानून, नियम, नियमावलीको वृहत् छलफल गरेर संशोधन गर्नुपर्छ ।’
त्यस्तै उपभोक्ता अधिकारवादी ज्योति बानियाँले डिजिटल माध्यमहरूलाई समयानुकुल बनाउँदै लैजानुपर्ने बताए । उनले सेवाको गुणस्तरलाई विस्तार गर्दै लैजान आवश्यक रहेको बताए ।
इन्टरनेट सेवाको चुस्तता कमजोर रहेकाले त्यसमा विचार गर्नुपर्ने आवश्यक्ता उनले औंल्याए ।
कार्यक्रममा नेपाल दूरसञ्चार प्राधिकरणका निर्देशक अर्जुन घिमिरेले नयाँ प्रविधिमार्फत सेवाहरू पनि प्रवाह गर्न दूरसञ्चार प्राधिकरणले आफ्नो भूमिका खेलिरहेको बताए । प्राधिकरणले उपभोक्ताको अधिकारको सबालमा सक्दो काम गर्दै आएको उनको दाबी छ ।
