रुसी राष्ट्रपति भ्लादिमिर पुटिनले गत वर्ष नर्ड स्ट्रिम पाइपलाइन विस्फोटमा युक्रेनी कार्यकर्ताको संलग्नता रहेको भन्ने सिद्धान्त ‘पूर्णतया गलत’ रहेको बताएका छन्। 

“हामीले जहिले पनि रुचि राख्ने शक्तिहरूको खोजी गर्नुपर्छ । सैद्धान्तिक रूपमा, संयुक्त राज्य अमेरिका युरोपेली बजारमा रूसी ऊर्जाको आपूर्ति रोक्न र एलएनजीसहित आफ्नै आपूर्ति गर्न इच्छुक छ, चाहे त्यो रूसको तुलनामा २५ देखि प्रतिशत बढी महँगो किन नहोस्,” पुटिनले एक रूसी टिभी कार्यक्रमलाई दिएको अन्तर्वार्तामा भने। 

उनले भने, “यदि हामीलाई यो हमला भएको ठाउँमा जान दिइएन भने हामीले आफ्नै अनुसन्धान गर्नु चुनौतीपूर्ण छ । यो ‘आतङ्कवादी हमला’ हो भन्ने तथ्य अब कसैको लागि गोप्य छैन । मेरो विचारमा, सबैले यसलाई पहिले नै मान्यता दिइसकेका छन् ।”

रूसले डेनिस अधिकारीहरूलाई नर्ड स्ट्रिम पाइपलाइनहरू जाँच गर्न अनुरोध गरेको छ । उनले भने, 'किनकि विस्फोटक उपकरणहरू अझै पनि त्यहाँ राख्न सकिन्छ, तर ‘उत्तर अस्पष्ट थियो, उनीहरूले हामीले पर्खनुपर्छ भनेका छन् ।'

पुटिनले युरोपेली साझेदारहरूले राष्ट्रिय हितको ख्याल राख्ने हो भने नर्ड स्ट्रिमको अझै भविष्य रहने बताए ।