रुपन्देहीको देवदह आदर्श बहुमुखी क्याम्पसमा भएको स्वतन्त्र विद्यार्थी युनियन (स्ववियु) निर्वाचनमा नेकपा एमालेनिकट अनेरास्ववियुको प्यानल विजयी भएको छ ।

अनेरास्ववियुका अर्जुन गैरेको नेतृत्वमा अखिलको प्यानल विजयी भएको हो ।

सभापतिका लागि ३ जना प्रतिस्पर्धामा थिए । नेपाल विद्यार्थी संघ र एकीकृत समाजवादी निकट अनेरास्ववियु संयुक्त विद्यार्थी गठबन्धनको तर्फबाट नेविसंघका माधव भट्टराईले उम्मेदवारी दिएका थिए ।

माओवादी केन्द्रनिकट अखिल क्रान्तिकारीले स्ववियु सभापतिका लागि धनीकुमारी पन्थीलाई उम्मेदवार बनाएको थियो तर दुवै उम्मेदवारलाई पछि पार्दै गैरेले बाजी मारेका हुन् ।

कोषाध्यक्षमा सोबराज जैसी, सचिवमा गौराब ज्ञवाली, सदस्यहरूमा रविन परियार, अमृता पाठक, भुवन थापा, लेखिका मल्ल, सरोज गिरि विजयी भएका छन् ।