०८ असार २०८३, सोमबार
फ्रान्सको राजधानी पेरिस तथा अन्य शहरहरूमा प्रहरी र प्रदर्शनकारीहरूबीच लगातार भिडन्त भइरहेको छ ।
राष्ट्रपति इम्मानुएल म्याक्रोंले पेन्सर सुधार योजना अन्तर्गत पेन्सन खाने उमेर बढाइदिएपछि भएको विरोध प्रदर्शन उग्र बन्दै गएको छ ।
सोमवार म्याक्रोंको सरकारविरुद्ध ल्याइएको दुईवटा अविश्वास प्रस्ताव पारित हुन सकेका थिएनन् ।
सदन र सडक दुवैमा विरोध भइरहेका छन् । स्ट्रासबोर्ग, लियोन र रेनेस लगायतका स्थानमा प्रदर्शनकारीहरूले तोडफोड गरेका छन् ।
पेरिसमा लगभग १०० जनालाई पक्राउ गरिएको छ । त्यहाँ कैयौं दिनदेखि फोहर नउठाइएकोमा विरोधकर्ताहरूले फोहरको डंगुरमा आगो लगाइदिएका छन् । अग्निनियन्त्रकहरूलाई आगो निभाउन हम्मेहम्मे परेको थियो ।
सन् २०१८ मा इन्धनको मूल्य बढेकोमा भएको येल्लो भेस्ट विरोधकै झल्को अहिलेको विरोध प्रदर्शनले दिएको छ ।
बिहीवार देशभरि हडताल र विरोध कार्यक्रम गरिने भउको छ ।
