राष्ट्रिय स्वतन्त्र पार्टी (रास्वपा) अनुशासन आयोगको बैठक सोमवार बिहान ११ बजे बस्दैछ ।

सांसद ढाकाकुमार श्रेष्ठले व्यवसायी दुर्गा प्रसाईंसँग २ करोड रुपैयाँ मागेको ‘अडियो प्रकरण’बारे निर्णय लिन बैठक बस्न लागेको हो ।

सांसद श्रेष्ठले सोमवार बुझाएको स्पष्टीकरणका विषयमा छलफल गरी निर्णय लिएर पार्टी केन्द्रीय कमिटीमा सिफारिस पठाउन बैठक बस्न लागेको अनुशासन आयोगका संयोजक भरतमणि देवकोटाले जानकारी दिए । श्रेष्ठलाई कारवाही गर्ने/नगर्ने सम्बन्धमा अन्तिम निर्णय पार्टीले लिनेछ ।

रास्वपा सभापति रवि लामिछानेले श्रेष्ठमाथि लागेको आरोप पुष्टि भएमा ७२ घण्टाभित्र कारवाही हुने बताइसकेका छन् ।