राष्ट्रपति रामचन्द्र पौडेललाई थप उपचारका लागि भारत लैजान चिकित्सकले सुझाव दिएका छन् ।

सुझावअनुसार राष्ट्रपति पौडेललाई एयर एम्बुलेन्सबाट बुधवार बिहान साढे ९ बजे भारतको नयाँदिल्ली लगिने राष्ट्रपतिका प्रेस सल्लाहकार किरण पोखरेलले जानकारी दिए ।

बुधवारै मात्र राष्ट्रियसभा अध्यक्ष गणेश तिमल्सिनासँगको भेटमा पनि चिकित्सकले राष्ट्रपतिलाई थप उपचारका लागि भारत लैजानुपर्ने जानकारी गराएका थिए । 

रुस प्रस्थान गर्नुअघि बुधवार बिहान अध्यक्ष गणेशप्रसाद तिमिल्सिना त्रिवि शिक्षण अस्पताल पुगेर पौडेलको स्वास्थ्य अवस्थाबारे जानकारी लिएका थिए । 

तिमल्सिनाले पौडेलको स्वास्थ्य अवस्था हेर्दा आत्तिहाल्नु पर्ने अवस्था नदेखिएको बताए तर उनलाई थप परीक्षण र उपचारका लागि भारत लैजानुपर्ने चिकित्सकले जानकारी गराएका हुन् ।

पेटसम्बन्धी समस्याबाट पीडित पौडेल मंगलवार अचानक ढलेपछि शिक्षण अस्पताल भर्ना भएका थिए । त्यसअघि पनि उनी बिरामी भएर केही दिन अस्पताल बसेकोमा लगत्तै अस्वस्थ बनेका छन् ।