काठमाडों, १६ भदौ– गत हप्ता मात्र अन्तर्राष्ट्रिय फुटबलबाट सन्यास लिएका इग्ल्याण्डका पूर्व कप्तान वायन रोनी पक्राउ परेका छन् ।
मादक पदार्थ सेवन गरी गाडी चलाएको अभियोगमा एर्भटनका स्ट्राईकर वायन रोनी पक्राउ परेका हुन् ।
इङलिस राष्ट्रिय टोलीका सर्वा्धिक गोलकर्ता तथा पुर्व कप्तान रोनी बिहीबार राति घर नजिकैबाट पक्राउ परेका छन् ।
राष्ट्रिय जर्सीमा १ सय १९ खेलमा उनले कीर्तिमानी ५३ गोल गरेका छन् । जारी सिजन मात्रै बाल्यकालको क्लब एर्भटनमा फर्किएका रोनीले सूरुवाती दुई खेलमा गोल समेत गरेका छन् ।
ट्रेनिङ गरेर घर फर्कने क्रममा उनलाई प्रहरीले मादक पदार्थ सेवन गरेको अभियोगमा पक्राउ गरेको अन्तर्राष्ट्रिय सञ्चार माध्यमहरुले जनाएका छन् ।
