२१ असार २०८३, आइतबार
काठमाडौं उपत्यकासहित देशका विभिन्न स्थानमा हावा हुरीसहितको वर्षा भएको छ ।
जल तथा मौसम विज्ञान विभाग मौसम पूर्वानुमान महाशाखाका अनुसार अहिले कोशी प्रदेश, बागमती र गण्डकी प्रदेशमा वर्षा भइरहेको छ । हावाका कारण उपत्यकाका केही स्थानमा विद्युत सेवा अवरुद्ध बनेको छ ।
पश्चिमी वायुको प्रभावले काठमाडौंमा अहिले हावा हुरीसहितको वर्षा भएको महाशाखाले जनाएको छ ।
बंगालको खाडीमा विकसित भइरहेको ‘मोखा’ नामक चक्रवातको नेपालमा उल्लेखनीय प्रभाव नरहने जल तथा मौसम विज्ञान विभाग मौसम पूर्वानुमान महाशाखाले जनाएको छ ।
महाशाखाका अनुसार चक्रवात हाल अति शक्तिशाली चक्रवातमा परिणत भएर उत्तर–उत्तर पूर्व दिशातर्फ उन्मुख हुँदै बंगलादेश तथा म्यानमारको तटीय क्षेत्रमा बढिरहेको छ ।
