डान्सबारमा मनोरञ्जनका लागि पुगेका तीन जना भारतीय पर्यटक लुटपाटमा संलग्न दुई जनालाई प्रहरीले पक्राउ गरेको छ ।  पक्राउ पर्नेमा नुवाकोटका पदम बहादुर शाही र कैलालीका रन भन्ने ओम प्रकाश ऐरी रहेका छन् । 

उनीहरुलाई उपत्यका अपराध अनुसन्धान कार्यालयको टोलीले सिंहदरबार दक्षिण गेट अगाडिबाट पक्राउ गरेको हो । 

उनीहरूमाथि जिल्ला अदालत काठमाडौँबाट ४ दिनको म्याद लिएर प्रहरी वृत्त बानेश्वरबाट कारबाही प्रक्रिया अघि बढाइएको कार्यालयका प्रहरी उपरीक्षक रवीन्द्र रेग्मीले जानकारी दिए । 

उनका अनुसार जेठ ३ गते राति कोटेश्वरस्थित डान्सबारमा पुगेका भारतीय पर्यटकहरू जगदिश प्रसाद शर्मा, सन्तोष कुमार शर्मा र अञ्जनी पारिक लुटपाटमा परेका हुन् । 

उनीहरुलाई डर त्रास देखाई अभियुक्तहरुले  नगद लुट्नुका साथै मोबाइल फोनबाट समेत रकम ट्रान्सफर गर्न लगाएर फरार भएका थिए ।