काठमाडौंबाट भारतको बैंग्लोरका लागि उडेको नेपाल एयरलाइन्सको जहाज चरा ठोक्किएको आशंकापछि विमानस्थलमै फर्किएको छ ।

त्रिभुवन अन्तराष्ट्रिय विमानस्थलबाट २:२० मा उडेको नेपाल वायुसेवा निगमको आरए–२२५ जहाजमा चरा ठोक्किएको आशंकापछि उडेको तीन मिनेटमै विमानस्थल फर्किएको कार्यालयले जनाएको छ । 

अहिले जहाजको निरीक्षण गर्ने काम भइरहेको कार्यालयका एक कर्मचारीले लोकान्तरलाई जानकारी दिए ।

उनका अनुसार जहाजमा १५४ जना यात्रु थिए । यात्रुहरूलाई अर्को जहाजबाट बैंग्लोर पठाउने तयारी गरिएको विमानस्थल कार्यालयले जनाएको छ ।