२९ जेठ २०८३, शुक्रबार
औपचारिक भारत भ्रमणमा रहेका प्रधानमन्त्री पुष्पकमल दाहाल ‘प्रचण्ड’ आज शुक्रवार मध्य प्रदेशको उज्जैन गएर महाकालेश्वरको मन्दिरमा पूजाअर्चना गर्दैछन् ।
भ्रमण तालिकाअनुसार प्रधानमन्त्री प्रचण्ड शुक्रवार बिहान ११ बजे मन्दिरमा पुग्नेछन् । त्यसपछि उनी १२ ज्योतिर्लिङ्गमध्ये एक मानिने महाकालेश्वर मन्दिरमा पूजाअर्चना गर्नेछन् ।
प्रधानमन्त्री प्रचण्ड पूजाअर्चना गर्न आउने भएपछि शुक्रवार बिहान ६ बजेदेखि मध्याह्न १२ बजेसम्म मन्दिरको गर्भगृहमा भक्तजनलाई प्रवेश निषेध गरिएको जनाइएको छ ।
उज्जैनमा प्रधानमन्त्री प्रचण्डलाई मध्य प्रदेशका राज्यपाल मंगुभाइ पटेलले स्वागत गर्नेछन् । पूर्जाअर्चनापछि उनी इन्दोर प्रस्थान गर्नेछन् । ४ दिने भारत भ्रमण पूरा गरी प्रधानमन्त्री प्रचण्ड नेतृत्वको टोली भोलि शनिवार स्वदेश फर्किने कार्यतालिका छ ।
