काठमाडौं,२२ भदौं– सामाखुशीको ढल पाइपमा खसेर घाइते भएकी सत्या सापकोटालाई काठमाडौं महानगरपालिकाले एक लाखको बीमा रकम गर्ने घोषणा गरेको छ ।
काठमाडौं महानगरपालिकाले सयदिन पूरा भएको अवसरमा राजधानीमा बिहीवार आयोजित कार्यक्रममा महानगरका मेयर विद्यासुन्दर शाक्यले सत्यालाई एक लाख रकम बराबरको रकम सहयोग गरेको घोषणा गरेका हुन् ।
गत असार ३० गते स्कूलबाट फर्किँदै गर्दा उनी सामाखुशीको ढल पाइपमा डुबेर घाइते भएकी थिइन् ।
महानगरले तारकेश्वरमा बाढीमा परी मृत्यु भएकी बिनिता फूँयालको परिवारलाई २५ हजार रकम समेत सहयोग गरेको छ ।
