मोरङको उर्लाबारीमा बसले स्कुटरलाई ठक्कर दिँदा एक जनाको मृत्यु भएको छ ।

पूर्व–पश्चिम राजमार्गमा पश्चिमबाट पूर्वतर्फ आउँदै गरेको बसले विपरीत दिशाबाट आइरहेको स्कुटरलाई ठक्कर दिँदा स्कुटर चालकको मृत्यु भएको प्रहरीले जनाएको छ । उनको पहिचान हुन सकेको छैन । 

दुर्घटनापछि स्थानीयले बसमा आगजनी गरेका छन् ।

मोरङ उर्लाबारी नगरपालिका ३ नयाँ मंगलबारेमा मे १ ख ३०७३ नम्बर बसले प्र १–०१–०१३ प २९० नम्बरको स्कुटरलाई ठक्कर दिएको थियो । बसको ठक्करबाट स्कुटर चालकको घटनास्थलमै मृत्यु भएको प्रहरीले जनाएको छ ।

झापा कनकाई नगरपालिका ३ का ३२ वर्षीय बस चालक टंकप्रसाद सुबेदीलाई इलाका प्रहरी कार्यालय उर्लाबारीले नियन्त्रणमा लिएको मोरङ प्रहरी प्रमुख एसपी दीपक पोख्रेलले जानकारी दिए ।

थप अनुसन्धान भइरहेको प्रहरीले जनाएको छ ।