स्वास्थ्यमा समस्या देखिएपछि राष्ट्रपति रामचन्द्र पौडेल पुनः अस्पताल भर्ना भएका छन् । राष्ट्रपति पौडेललाई शनिवार बिहान ३ बजे मनमोहन कार्डियोथोरासिक भास्कुलर तथा ट्रान्सप्लान्टर सेन्टर (महाराजगन्ज) मा भर्ना गरिएको अस्पताल स्रोतले जानकारी दिएको हो । 

अस्पताल स्रोतका अनुसार पौडेलको मुटुमा समस्या देखिएपछि राति नै अस्पताल  पुर्‍याइएको हो । 

यसअघि शहीद गंगालाल राष्ट्रिय हृदय रोग केन्द्र (बाँसबारी) मा भर्ना भएका उनी गत बुधवार मात्र ‘डिस्चार्ज’ भएका थिए । मुटुमा समस्या देखिएपछि राष्ट्रपति पौडेल गत मंगलवार गंगालालमा भर्ना भएका थिए । 

उनी अघिल्लो महिना मात्रै भारतको नयाँदिल्लीमा  उपचारगरी फर्केका थिए ।