कात्तिक १८, २०८०
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
दाङ– १ (२) बाट निर्वाचित कांग्रेस सांसद अनुराग खड्काको घोराही र काठमाडौंमा घर छ । स्व. कांग्रेस नेता खुमबहादुर खड्काका छोरा अनुरागले लुम्बिनी प्रदेशसभा भवन भएकै क्षेत्रबाट चुनाव जितेका हुन् ।
आर्थिकरूपमा सम्पन्न खड्काले घर मर्मत खर्चका नाममा प्रदेश सभाबाट मासिक भत्ता बुझ्दै आएका छन् । तर, कान्छा सांसद खड्का आफूलाई यसरी रकम लिनु आवश्यक नरहेको बताउँछन् ।
दाङ–१ (१) बाट निर्वाचित नेकपा माओवादी केन्द्रका सांसद तथा पूर्वमन्त्री इन्द्रजित थारु पनि स्थानीय नै हुन् ।
उनले पनि प्रदेशसभाबाट घरभाडाबापतको रकम बुझ्दै आएका छन् । पूर्वमन्त्री समेत रहेका थारूले नैतिकताका आधारमा घर ममर्त खर्च लिन्नँ भनेका छैनन् ।
दाङकै एमाले सांसद सीता शर्माले पनि यसैगरी रकम बुझ्छिन् । तर, सांसद शर्माले आफूहरूले घरभाडा नभई घर मर्मत खर्च पाउने गरेको बताइन् ।
८७ सदस्यीय लुम्बिनी प्रदेशसभामा दाङबाट प्रत्यक्ष ६ र समानुपातिक ३ गरी ९ जना सांसदको प्रतिनिधित्व छ ।
प्रदेशसभा सचिवालयका अनुसार दाङमा घर नभएका सांसदहरूलाई घरभाडा र दाङमा घर भएका सांसदहरूलाई घर मर्मतसम्भारका नाममा हरेक महिना रकम उपलब्ध हुन्छ ।
लुम्बिनी प्रदेशसभा सचिवालयले गृहजिल्लामा घर भएकालाई घर मर्मत खर्चबापत मासिक ७ हजार ५०० र अन्य सांसदलाई घरभाडाबापत मासिक १५ हजार रुपैयाँ उपलब्ध गराउँदै आएको हो ।
प्रदेशसभा सचिवालयका सूचना अधिकारी सम्झना सुवेदीले सभामुख र उपसभामुख, मन्त्री भएका समयका सांसदले बाहेक सबैले घरभाडा र घरभाडाबापतका रकम भुक्तानी गरिएको बताइन् ।
‘सभामुख र उपसभामुखलाई सरकारी आवास हुन्छ,’ सुवेदीले भनिन्, ‘प्रदेशसभा सदस्य र पदाधिकारीहरूको सेवासम्बन्धी ऐनअनुसार सुविधा पाइरहनुभएको छ । कुनै सांसदले पनि हामीलाई घरभाडाबापतको रकम लिन्नौं भन्नुभएको छैन ।’
अघिल्लो कार्यकालमा पनि रूपन्देही घर हुने र नहुने सबैले घरभाडा लिएपछि चर्को आलोचना भएको थियो ।
यो कार्यकालमा प्रदेशको राजधानी बुटवलबाट सरेर दाङको देउखुरी पुगेको छ । नैतिक दृष्टिकोणले आफैंले निर्णय गरी आफ्नै सुविधा पाउने व्यवस्था गर्नु नीतिगत भ्रष्टाचारजस्तै भएको विज्ञहरू बताउँछन् ।
लुम्बिनी प्रदेशसभाले सांसदहरूको घरभाडाका लागि वार्षिक १ करोड रूपैयाँभन्दा बढी खर्च गर्दै आइरहेको छ । कपिलवस्तु, रूपन्देही, प्युठान र अर्घाखाँचीका सांसदहरू घरबाटै संसदमा आउजाउ गर्ने गर्छन् ।
लुम्बिनी प्रदेश सभाका सांसदहरूले मासिक पारिश्रमिकबापत ४५ हजार रुपैयाँ पाउँछन् । आवास सुविधाबापत मासिक १५ हजार थपिँदा सुविधा मासिक ६० हजार पुग्छ ।
त्यसबाहेक सञ्चार सुविधा भनेर मासिक २ हजार, बैठक भत्ता १ हजार, बिजुली पानीको मासिक १ हजार ५०० रुपैयाँ पाइन्छ ।
सांसद निर्वाचित भएर आएपछि फर्निचर खर्च भनेर एकमुष्ट ४५ हजार रूपैयाँ पाउने व्यवस्था रहेको सुवेदीले बताइन् ।
आन्तरिक (देशभित्र) भ्रमणमा निस्किए सांसदले प्रतिदिन २ हजार, वैदेशिक भ्रमणमा गएको अवस्थामा प्रत्येक दिन १७५ अमेरिकी डलर पाउने कानून रहेको छ । यातायात सुविधा भनेर बैठक भत्ताबाहेक थप ५०० रूपैयाँ पाउँछन् । त्यो ५०० रुपैयाँ बैठक बसेको दिनको हो । लुम्बिनी प्रदेशसभा ८७ सदस्यीय छ ।
सांसदहरूले उपचार खर्च पनि पाउँछन् । अस्पताल भर्ना हुनुपरेको अवस्थामा सरकारी अस्पतालमा भर्ना भएमा बिलअनुसारको सबै रकम र निजी अस्पतालमा भर्ना भएको भए बिलको आधा रकम सांसदहरूले पाउने गरेका छन् ।
प्रदेशसभाका सहायक लेखापाल विनोद न्यौपानेले प्रदेशसभाका पदाधिकारी तथा सदस्यको पारिश्रमिक र सुविधासम्बन्धी ऐन, २०७५ का आधारमा सुविधा पाउने बताए । सुशासनविद् खेमराज रेग्मी प्रदेश संरचनाकै औचित्यबारे जनताबाट धेरै गुनासो आएका बेला सांसदहरूले सेवा सुविधाबारे सोच्नुपर्ने अवस्था आएको बताउँछन् । सांसदहरू मितव्ययी बनेर संघीयप्रति वितृष्णा आउन दिन नहुने उनको सुझाव छ ।
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...