जनता समाजवादी पार्टी (जसपा) नेपालको केन्द्रीय कार्यकारिणी समितिको बैठक बिहीबार बस्दैछ । 

बिहान ११ः३० बजे पार्टी केन्द्रीय कार्यालय बालकुमारीमा बैठक बस्ने प्रचार विभाग प्रमुख पूर्ण बस्नेतले जानकारी दिए । 

उनका अनुसार आजको बैठकमा विधान अधिवेशनको तयारीबारे छलफल हुनेछ । यस्तै असार ९ गते बस्ने केन्द्रीय समितिको बैठकका कार्यसूची तय गर्ने एजेण्डा पनि रहेको छ ।  यसैगरी  समसामयिक राजनीति लगायतका विषयमा छलफल गर्ने एजेण्डा पनि रहेको छ । 
जसपा समाजवादी मोर्चामा सहभागी भएपछि पहिलो पटक पार्टीको बैठक बस्न लागेको हो ।