२८ जेठ २०८३, बिहीबार
संसद्मा जारी अवरोध हटाउन बसेको तीन दलका शीर्ष नेताको बैठकबाट एमाले अध्यक्ष केपी शर्मा ओली बाहिरिएका छन् ।
सिंहदरवारमा आइतवार प्रधानमन्त्री पुष्पकमल दाहाल प्रचण्ड र कांग्रेस सभापति शेरबहादुर देउवासँगको छलफल सकेर ओली बाहिरिएका हुन् ।
तीन दिलबीच के सहमति भयो भन्ने पत्रकारको प्रश्नमा ओलीले भने–‘पछि देख्नुहुन्छ ।’ राष्ट्रघाती अभिव्यक्ति दिएको भन्दै एमालेले प्रधानमन्त्री प्रचण्डको राजीनामा माग गर्दै संसद अवरोध गरिरहेको छ ।
आफूलाई प्रधानमन्त्री बनाउन भारतीय नागरिक प्रितम सिंह पटक पटक दिल्ली धाएको भन्नै प्रचण्डको अभिव्यक्तिलाई लिएर एमालेले असार २० देखि संसद अवरुद्ध गर्दै आएको छ ।
एमालेको अवरोधका कारण सूचना टाँसेर स्थगित प्रतिनिधि सभा बैठक दिउँसो ३ बजेका लागि राखिएको छ ।
