१० साउन २०८३, आइतबार
प्रधानमन्त्री पुष्पकमल दाहाल प्रचण्डले 'आफूलाई प्रधानमन्त्री बनाउन भारतीय नागरिक प्रितम सिंह पटक पटक दिल्ली धाएको' भन्ने अभिव्यक्ति सच्चाउने सहमति भएपछि एमालेले संसद् अवरोध हटाउने भएको छ ।
प्रधानमन्त्री कार्यालय सिंहदरबारमा सोमवार दिउँसो प्रधानमन्त्री प्रचण्ड, नेकपा एमालेका अध्यक्ष केपी शर्मा ओली र कांग्रेस सभापति शेरबहादुर देउवाबीच भएको छलफलपछि संसद् सुचारू गर्न एमाले राजी भएको हो । प्रचण्डको अभिव्यक्तिको विरोध गर्दै एमालेले असार २० देखि संसद अवरोध गर्दै आएको छ ।
आइतवार पनि यस्तै सहमति भएको केही बेरपछि एमाले पछि हटेको माओवादीले आरोप लगाएको थियो । ‘प्रमुख प्रतिपक्षी दलले हिजो जस्तै बेइमानी गरेन भने संसद् अवरोध हटाउने सहमति भएको छ’ नेपाली कांग्रेसका एक नताले लोकान्तरसँग भने ।
प्रधानमन्त्रीको राजीनामालाई बटमलाइन बनाएको एमाले पछि हटेपछि संसद सुचारु हुन लागेको हो । पटक पटक सूचना टाँसेर स्थगित प्रतिनिधि सभाको बैठक सोमवार दिउँसो ३ बजे बस्दै छ ।
