०६ साउन २०८३, बुधबार
एसीसी इमर्जिङ टिम्स एशिया कप क्रिकेट प्रतियोगितामा पाकिस्तान ए विरुद्ध नेपालका सोमपाल कामीले अर्धशतक बनाएका छन् । पाकिस्तानी बलरसामु शुरूआती ब्याट्स्मेन निरीह बनेका बेला उनले ५० रन पुरा गरेका हुन् ।
उनले ७७ बलमा बलमा ५० रन कटाए । उनले आठ चौका प्रहार गरे ।
श्रीलंकाको कोलम्बोमा टस जितेर पहिले ब्याटिङ गरेको नेपालले पाकिस्तानी बलरहरूविरुद्ध खुलेर खेल्न सकेनन् ।
अर्जुन साउद र कुशल मल्ल समान १७, गुल्सन झा १३, आशिफ शेख १२, रोहित पौडेल ४, कुशल भुर्तेल र पवन शर्राफ समान १ तथा भीम सार्की शून्य रनमा आउट भएका छन् ।
नेपाल भारत ए, पाकिस्तान ए र यूएई ए रहेको समूहमा छ ।
भारत-पाकिस्तान लगायत टेस्ट राष्ट्रले राष्ट्रिय टीममा स्थान बनाउन नसकेका वैकल्पिक खेलाडी समेटेर 'ए' टीम प्रतियोगितामा सहभागी गराएको छ ।
