२२ असार २०८३, सोमबार
नेपाली कांग्रेस रूपान्तरण अभियानले प्रतिवेदन बुझाएको छ ।
सातै प्रदेशमा पुगेर अन्तरक्रिया गरी प्राप्त सुझाव समेटेर कांग्रेस केन्द्रीय कार्यालयका सचिव कृष्णप्रसाद पौडेललाई मंगलवार प्रतिवेदन बुझाइएको हो ।
२१ बुँदे सुझावसहितको प्रतिवेदनमा पार्टीको सैद्धान्तिक र वैचारिक मौलिकता रक्षा गर्नुपर्ने, समयसापेक्ष, स्पष्ट र जनमुखी नीति निर्माण गर्नुपर्ने लगायतका विषय उल्लेख छ ।
हरेक तहका सभापति अधिकतम २ कार्यकाल मात्र पदमा रहन पाउनुपर्ने तथा एउटै व्यक्ति २ पटकभन्दा बढी प्रधानमन्त्री हुन नहुने सुझाव प्रतिवेदनमा समेटिएको छ ।
जबकि कांग्रेस सभापति शेरबहादुर देउवा स्वयं ५ पटक प्रधानमन्त्री भइसकेका छन् । देउवा संसद्को यही कार्यकालमा छैठौंपटक प्रधानमन्त्री बन्ने प्रयासमा देखिन्छन् ।
गुरुराज घिमिरेसहितका युवा नेताहरूले कांग्रेस रूपान्तरणका लागि भन्दै देशभर पुगेर अन्तरक्रिया तथा छलफल गरेका थिए ।
प्रतिवेदन पार्टी सभापति देउवालाई नै बुझाउन समय मागे पनि समय नदिएपछि पार्टी कार्यालयमा बुझाइएको अभियानले जनाएको छ ।
हेर्नुहोस्, प्रतिवेदनको पूर्णपाठ :
