२८ जेठ २०८३, बिहीबार
नेपाली कांग्रेसका प्रमुख सचेतक रमेश लेखकले संसद्मा प्रमुख प्रतिपक्षी नेकपा (एमाले) आक्रामक रहेको टिप्पणी गरेका छन् ।
जारी केन्द्रीय समिति बैठकमा प्रतिवेदन प्रस्तुत गर्दै सचेतक लेखकले एमाले आक्रामकसँगे अधैर्य पनि रहेको रिपोर्टिङ गरेका हुन् । 'प्रतिपक्ष आक्रामक छ । आक्रामक मात्रै होइन, परिपक्व त छ । तर कहिलेकाँही अधैर्य देखिन्छ,' उनले भने ।
राष्ट्रिय स्वतन्त्र पार्टी(रास्वपा)सहित नयाँ दलहरू आक्रामकसँगै अपरिपक्व रहेको उनले टिप्पणी गरे । 'अरु प्रतिपक्ष आक्रामक पनि छन् । अधैर्य पनि छन् । संसदीय अभ्यासमा नयाँ भएकाले यदाकदा अपरिपक्वता देखिरहेको अवस्था छ,' उनले भने ।
