२७ असार २०८३, शनिबार
जिन्दगीमा विशेष हुने विवाह समारोहलाई स्मरणीय बनाउन विभिन्न उपाय अपनाउने गरिन्छ । एक जोडीले विवाहलाई खास बनाउन भीरबाट हामफालेको भिडियो भाइरल भइरहेको छ ।
भिडियोमा देखिएका प्रिसिला एन्ट र फिलिपो लेक्वेर्सले विवाहलाई यादगार बनाउन यस्तो उपाय अपनाएको अन्तर्राष्ट्रिय सञ्चारमाध्यमले जनाएका छन् । भीरबाट हामफाल्ने उपाय देख्नेहरू आश्चर्यचकित भएका छन् ।
भिडियोमा अगाडि लेखिएको छ, ‘हामी हात समात्नेसँग छलाङ लगाउँछौं, त्यो उडान जसले हामीले याद गराउनेछ, डरको अगाडि जिन्दगी छ । प्रिसिला र फिलिपोको बिहे ।’
भीरबाट हामफाल्दा आवश्यक सुरक्षा सावधानी भने अपनाइएको थियो । तर भिडियो देख्नेलाई नै डरलाग्दो छ । विवाहमा पादरी र आफन्तलाई पनि भीरबाट हामफाल्न लगाइएको जनाइएको छ ।
