नेकपा एमालेका अध्यक्ष केपी शर्मा ओलीले ३३ पल्ट अवैध रूपमा सुन तस्करी भएको दाबी गरेका छन् । आइतवार पार्टी केन्द्रीय कार्यालयमा पत्रकार सम्मेलन गर्दै ओलीले ३३ पटक सुन तस्करी भएकोमा एक पटकको मात्रै देखाइएको दाबी गरेका हुन् ।

उनले अहिले पनि सुन तस्करी भइरहेको संकेत गरे । ‘सुन तस्करी रोकिएको छ ? एक अर्बको एक सय किलो सुन एकपटक समातियो । ३३ पटक ३३ अर्बको कारोबार भएको छ । तर, एकपल्टको समातियो,' ओलीले दाबी गर्दै भने, ‘एउटा आइटम समाएर देश घुमाएको छ । बाँकी क्रियाकलाप चालू छ ।'

सानो कुरा देखाएर सञ्चार माध्यमको ध्यान त्यता खिच्ने काम भएको उनले बताए ।