०९ साउन २०८३, शनिबार
पाल्पाको जोर्तेमा स्कर्पियो जीप पहिरोमा परेको छ । जिल्ला प्रहरी कार्यालय पाल्पाका डिएसी वीरेन्द्र थापाका अनुसार गुल्मीको तम्घासबाट बुटवल आउँदै गरेको लु १ ज ४६०० नम्बरको जीप पहिरोमा परेको हो ।
पहिरोमा परेको जीप कच्याककुचुक भएको छ ।
घटनास्थलबाट ५ जना घाइतेलाई निकालिएको थापाले लोकान्तरलाई जानकारी दिए । उनकाअनुसार जीपमा कति जना सवार थिए खुलेको छैन ।
अपडेट :
पहिरोमा जीप पुरिँदा तीन जनाको ज्यान गएको छ । ज्यान गुमाउनेमा एक महिला र दुई पुरुष रहेको प्रहरीले जनाएको छ । उनीहरूको सनाखत भने हुन सकेको छैन । आठ जना घाइतेलाई उपचारका लागि अस्पताल लगिरएको उनले बताए ।
