११ साउन २०८३, सोमबार
झण्डै ६१ किलो सुन तस्करी भएको काठमाडौंको त्रिभुवन विमानस्थल भन्सार कार्यालयमा कार्यरत १३७ जना कर्मचारीले सामूहिक सरुवा मागेका छन् ।
६१ किलो सुन समातिएपछि आफूहरूमाथि अनुसन्धानको नाममा धरपकड गर्ने र विना कारण दुःख दिने काम भएको गुनासो उनीहरूले गरेका हुन् ।
भन्सार विभागका महानिर्देशकलाई सम्बोधन गरी उनीहरूले मंगलवार सामूहिक सरुवा माग गरेका छन् । यसरी सरुवा माग गर्नेमा ३० जना अधिकृतस्तरका कर्मचारी छन् । भन्सार कार्यालयमा रहेका नासु, खरदार र कार्यालय सहयोगीले समेत सरुवा माग गरेका छन् । उनीहरूले अर्थ सचिवलाई पनि पत्रको बोधार्थ पठाएका छन् ।
सरुवा माग गरेका कर्मचारीले आफूहरूको माग सम्बोधन नभएमा नियमित काम प्रभावित हुने चेतावनी दिएका छन् । कामकाजको सिलसिलामा यात्रुबाट दुर्व्यवहार र अपशब्द व्यहोर्नुपरेको गुनासो समेत उनीहरूले गरेका छन् ।
साउन २ गते विमानस्थल भन्सार कार्यालयबाट तस्करीको सुन बाहिरिएको थियो ।
हेर्नुहोस्, भन्सारका कर्मचारीहरूको पत्र :
