१० साउन २०८३, आइतबार
मलेसियामा जारी आईसीसी महिला टी–२० विश्वकप एसिया क्षेत्र छनोटअन्तर्गत नेपाल र युनाइटेड अरब इमिरेट्स (यूएई) बीचको खेल वर्षाका कारण प्रभावित बनेको छ । नेपाल र यूएईबीचको खेल बिहान सवा ७ बजे शुरू हुने तालिका थियो । तर, साढे ९ बजेसम्म पनि सञ्चालन हुन सकेको छैन ।
यस्तै कतार र मलेसिया तथा भुटान र बहराइनबीचको खेल पनि वर्षाका कारण शुरू हुन सकेको छैन । तीनवटै खेलको टससमेत हुनसकेको छैन ।
प्रतियोगितामा नेपाल समूह ‘ए’ मा रहेको छ । लगातार चौथो जीत निकालेको नेपालका लागि आजको खेल महत्त्वपूर्ण मानिएको छ ।
आजको खेल जिते नेपाल समूह विजेता बन्ने छ । समूह ‘ए’ मा चार खेल जितेको यूएई चार खेलमा आठ अंकसहित रन रेटका आधारमा शीर्ष स्थानमा छ । नेपाल दोस्रो स्थानमा छ ।
