नेकपा (एमाले) का उपाध्यक्ष तथा संविधानसभा अध्यक्ष सुवासचन्द्र नेम्वाङको पार्थिव शरीर श्रद्धाञ्जलीका लागि आज दिउँसोसम्म ललितपुरको च्यासलस्थित पार्टी केन्द्रीय कार्यालयमै राखिने भएको छ । उनको पार्थिव शरीरमा आज बिहान ९ बजेदेखि दिउँसो १ बजेसम्म श्रद्धाञ्जली व्यक्त गर्नच्यासलमै व्यवस्था मिलाइएको छ । 

नेम्वाङको पार्थिव शरीर दिउँसोपछि बालुवाटारस्थित निवासमा राखिने एमाले प्रचार विभाग सचिव गगन विष्टले जानकारी दिए । उनका अनुसार त्यहाँ नेम्वाङप्रति उनका आफन्तजन, इष्टमित्र र परिवारका सदस्यबाट अन्तिम श्रद्धाञ्जली अर्पण गर्ने कार्यक्रम छ । 

विदेशबाट छोराहरू आइसकेपछि उनको अन्त्येष्टि बिहीबार राजकीय सम्मानका साथ पशुपति आर्यघाटमा गरिने भएको छ । उनको अन्त्येष्टिका दिन बिहीबार सरकारले सार्वजनिक बिदासमेत दिएको छ । 

एमालेले उनको सम्मानमा तीन दिनसम्म पार्टीका झण्डा आधा झुकाउने निर्णय गरेको छ ।

नेम्वाङको ७१ वर्षको उमेरमा मंगलबार राति हृदयघातका कारण निधन भएको थियो ।