२३ जेठ २०८३, शनिबार
सरकार र आन्दोलनरत शिक्षकबीच सिंहदरबारमा वार्ता शुरू भएको छ ।
शिक्षा विधेयकको विरोधमा आन्दोलन गरिरहेका शिक्षकसँग सरकारले आज बिहानै छलफल गर्ने भनेको थियो । तर दुवै पक्षले आन्तरिक छलफल गर्ने भन्दै वार्ता दिउँसोमात्रै शुरु भएको हो ।
विद्यालय शिक्षा विधेयकको विरोधमा आन्दोलनरत शिक्षकहरूको छाता संगठन नेपाल शिक्षक महासंघले १७ बुँदे माग अघि सारेको छ ।
बैठकमा उपप्रधान एवं गृहमन्त्री नारायणकाजी श्रेष्ठ, सञ्चार तथा सूचना प्रविधिमन्त्री रेखा शर्मा, शिक्षामन्त्री अशोक राईलगायत उपस्थित छन् ।
शिक्षकहरू बुधबारदेखि आन्दोलनमा छन् ।
शिक्षकको आन्दोलनका कारण काठमाडौंको माइतीघर–बानेश्वर क्षेत्रमा शुक्रवार पनि सवारी आवागमन ठप्प भएको छ ।
