२२ जेठ २०८३, शुक्रबार
सल्यानमा जीप दुर्घटना हुँदा दुई जनाको मृत्यु भएको छ । मृतक दुवै जना पुरुष हुन् । उनीहरूको सनाखत हुन बाँकी रहेको प्रहरीले जनाएको छ ।
रोल्पाबाट तरकारी बोकेर दाङको तुलसीपुरतर्फ जाँदै गरेको रा १ च १०२५ नम्बरको जीप सल्यानको कपुरकोट गाउँपालिका–३ चोरखोलानजिक दुर्घटना भएको जिल्ला प्रहरी कार्यालय सल्यानले जनाएको छ ।
जीप सडकदेखि झन्डै तीन सय मिटर तल खसेको कार्यालयका प्रवक्ता प्रहरी निरीक्षक गोपाल श्रेष्ठले लोकान्तरलाई जानकारी दिए ।
दुर्घटनामा एक जना गम्भीर घाइते छन् । उनलाई कपुरकोटमा प्रारम्भिक उपचारपछि थप उपचारका लागि दाङको तुलसीपुर पठाइएको उनले बताए । दुर्घटनाको कारण खुलिनसकेको प्रहरीको भनाइ छ ।
