११ साउन २०८३, सोमबार
प्यालेस्टाइनी विद्रोही समूह हमासको आक्रमणपछि त्रासमा बाँचिरहेका एक नेपालीले प्रधानमन्त्रीलाई सम्बोधन गरेर इजरायलबाट लेखेको पत्र भाइरल बनेको छ ।
कृषि तथा वन विश्वविद्यालयबाट अध्ययन र कामका लागि इजरायल पुगेका अन्नपूर्ण- २ कास्कीका सुरज भण्डारीले तत्काल स्वदेश फर्काइदिन आग्रह गर्दै प्रधानमन्त्री पुष्पकमल दाहाल प्रचण्डलाई खुला पत्र लेखेका हुन् ।
'आदरणीय प्रधानमन्त्रीज्यू, अबको हाम्रो आशा पनि तपाईं नै हो, भरोसा पनि तपाईं नै हो । यो दुई देशको चपेटामा परेर ज्यान गुमाउन मन छैन । हामीलाई हाम्रो देश आउन वातावरण मिलाइदिनुहोस् । हामी देशमा नै रमाउने छौं,' भण्डारी आफैंले फेसबूकमार्फत सार्वजनिक गरेको हस्तलिखित पत्रमा भनिएको छ ।
कृषि विश्वविद्यालयबाट गएका ११४ जना नेपाली विद्यार्थी इजरायल र हमासको द्वन्द्वको चपेटामा परेको उनले उल्लेख गरेका छन् ।
'आकाशमा चरा उडेको देखेका हामीले आज मिसाइल र फाइटर प्लेन उडेको देख्नुपरेको छ । तिहारमा पटका (पड्काएर) खुशीका साथ रमाउँदै गरेका हामी आज आफूअगाडि बन्दुक पड्किएको देखेर त्रसित छौं । बंकरमा लुक्यो भने बंकरभित्र नै छिरेर आक्रमण भइराखेको छ,' उनले अगाडि लेखेका छन् ।
हेर्नुहोस्, पत्र :
