०७ साउन २०८३, बिहीबार
बैतडीसहित सुदूरपश्चिमका पहाडी जिल्लामा सोमवार बिहान भूकम्पको धक्का महसुस गरिएको छ ।
भूकम्प मापन केन्द्र सुर्खेतका प्रमुख बलबहादुर तामाङले दार्चुलापरि भारतको बतन भन्ने स्थानमा केन्द्रविन्दु बनाएर विहान ९ बजेर २६ मिनेटमा ४ दशमलव ८ रेक्टर स्केलको भूकम्प गएको जानकारी दिए ।
भूकम्प धक्का महसुस गरिएको भए पनि क्षतिबारे जानकारी प्राप्त नभएको जिल्ला प्रहरी कार्यालय बैतडीले जनाएको छ ।
पछिल्लो समय सुदूरपश्चिममा लगातार भूकम्प गइरहेको छ । यसै महिना भूकम्पबाट बझाङमा एक जनाको मृत्यु भएको थियो । साथै थुप्रै भाैतिक क्षतिसमेत भएको थियो ।
