२८ जेठ २०८३, बिहीबार
विदेशी नागरिकहरूलाई इजिप्ट प्रवेशको अनुमति दिन गाजामा अस्थायी युद्ध बिराम भएको भन्ने समाचारलाई इजरायली प्रधानमन्त्री बेन्यामिन नेतान्याहुको कार्यालयले सोमबार अस्वीकार गरेको छ ।
यद्यपि उत्तरी गाजाबाट दक्षिणतिर भाग्न स्थानीय समयअनुसार बिहान ८ बजेदेखि दिउँसोसम्म सीमित समय थप्ने वाचा भने इजरायली सेनाले गरेको छ ।
इजरायल, इजिप्ट र अमेरिकाबीच गाजा र इजिप्टको बीचमा रफाह पार गर्न विदेशी नागरिकलाई भाग्न र राहत सामग्रीहरू प्रवेश गर्न अनुमति दिन उक्त प्रवेशद्वार केही घन्टा खोल्ने सहमति भएको समाचारहरूमा बताइएको थियो । तर, नेतान्याहुको कार्यालयले एक विज्ञप्तिमा विदेशीहरूलाई हटाउनुको बदलामा गाजामा युद्धबिराम र मानवीय सहायता हाल सम्भव नरहेको बताएको छ ।
प्रत्यक्षदर्शीहरूका अनुसार सहायता समूहरूले इजिप्टतिरबाट पर्खिरहेका छन्, तर सोमबारसम्म रफाहबाट ४० किलोमिटर पूर्वको एल–अरिस सहर छाडेका थिएनन् ।
सोमबार बिहान इजरायली सेनाले सर्वसाधारणलाई गाजापट्टीबाट दक्षिणतिर जाने र सम्भावित जमिन आक्रमण गर्न चिह्न लगाइएको दुई वटा सडकमा हमला नगर्ने बताएको थियो ।
